新聞剪報

尋日飛達（01100）副主席（即是帽后）顏寶鈴特別開心，一黎就同絲絲講，話自己係孟加拉搵到「第二春」！嘩，拜年講呢啲！

帽后顏寶鈴話係孟加拉搵到「第二春」。嘩，拜年講呢啲，絲絲即時醒一醒！

絲絲立即豎起隻耳仔聽。帽后話今個新年過得特別開心，公司訂單供不應求，因為內地五大帽廠執晒，剩低飛達撐到依家，所以佢地啲訂單多到接唔晒，可以話，終於迎來春天。（咦？講呢啲既？）

計劃買地起多間廠

佢又話孟加拉業務發展得好好，舊年仲開始有錢賺，話終於畀佢捱出頭來；又話全靠當初自己願意去孟拉加做開荒牛，依家大部分產能已經搬左過去，深圳廠只剩低設計部為主，今年仲計劃係孟加拉買地起多間廠……

佢既「第二春」原來係咁解。冇冇冇，絲絲邊有失望啫。