Home > Investor Relations

Investor Relations

[星岛日报] 有份赞助东京奥运 客户带挈 飞达变身奥运股

2013-09-12

东京成功获得2020年奥运主办权,日本概念又再冒起,飞达帽业(1100)副主席兼董事总经理颜宝铃就话,佢公司有几个客都有赞助东京奥运。咁飞达帽业咪食正条水,摇身一变成为东京奥运概念股?

飞达帽业管理层就话,同日本人做生意都有9年,?家有5个日本客,虽然日本客户数量唔多,但客户代理品牌就好多,而且有唔少大运动品牌。

厂房搬去孟加拉国

飞达之前连续发两次盈警,话因为番禺厂房生产成本不断上升,决定逐步将番禺厂房搬去孟加拉国,仲为厂房、设备同存货拨备1600万元,搞到上半年业绩由盈转亏,蚀1686万元。颜太就话,拨备是一次性,之后唔会再有,内地人工差唔多系孟加拉国10倍,将厂房搬去孟加拉国,可以悭到唔少成本。而由明年开始,孟加拉国厂房产能将会占公司整体产能50%。

颜太仲话,孟加拉国工人一都唔蠢,「其实好Simple又好Smart」,而且佢手工又唔错,可以话系「平靓正」。不过颜太话,孟加拉国明年初有大选,都有担心年底厂房运作会唔会受影响,睇可唔可以灵活安排开工时间应对。

拟设慈善基金

讲开之前利丰(494)外判孟加拉国制衣厂发生火灾,造成员工伤亡,飞达管理层就话佢系帮唔同客户生产,要过到唔同客户生产安全要求,厂房生产安全要求相对较高。颜太又话,之后会考虑成立一个基金,帮助当地有需要人。颜太平时除做自己工业,都一直致力慈善事业,?家去到孟加拉国做厂,都不忘将慈善进行到底,果然系好有善心。

Back